×

Presidents diregian la regiun

A partir da 2015 na vegn la Regiun Surselva betg pli timunada d’ina suprastonza regiunala (executiva) e d’in parlament regiunal (legislativa) elegids dal pievel.

Südostschweiz
24.04.14 - 02:00 Uhr

Il cussegl grond ha sancziunà la legislaziun consecutiva tar la refurma dal territori

Da Martin Cabalzar ed Andreas Cadonau

En l’avegnir furman ils actualmain 21 presidents communals il gremi directiv da la Regiun Surselva. Quai è la consequenza da la decisiun dal cussegl grond che ha sancziunà la midada cun 73 cunter 34 vuschs.

Er ulteriuras propostas da represchentants cunzunt da la pcd e da la Surselva da conceder dapli libertads concernent las modalitads d’organisaziun da las regiuns èn vegnidas refusadas. Tenor cussegliera guvernativa Barbara Janom Steiner è la soluziun chattada ina consequenza logica da las decisiuns pridas dal cussegl grond en favur da fermas vischnancas, in ferm chantun ed ina satiglia organisaziun regiunala. Dapi paisa e responsabladad per la regiun han en l’avegnir ils presidents communals. Sco quai ch’ils opponents da la pcd èn s’exprimids envers La Quotidiana èn els betg surstads da las decisiuns pridas. Tranter auter rinfatschan ils deputads sursilvanas dentant a la regenza d’avair interpretà ils resultats da las consultaziuns tenor agen gusto e da betg avair resguardà la voluntad da la plipart da las vischnancas. Sch’i dat in referendum n’è betg anc decidì.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR