Portas aviartas tier Savoldelli Tanno SA

Sonda vargada ein las localitads novas vegnidas inauguradas en preschientscha da numerus representants dalla economia e dalla politica sco era da patruns, luvrers e dalla clientella. Il meinafatschenta Curdin Derungs ha presentau la nova infrastuctura dall’interpresa engaschada sil sectur da construcziun aulta e bassa, explotaziun da gera, preparaziun da betun, transport e survetsch da tramosa. Il president dil cussegl administrativ Dori Loretz ha presentau igl andament d’ina firma flurenta ch’exista dapi prest 70 onns e che ha incorporau 2006 la firma Tanno Vella e 2014 la firma Caminada SA a Vrin.