Plascher e displascher
Il venderdis vargau ei stau in di da plascher pil rectur dil gimnasi claustral a Mustér. Bruno Hensler ha saviu presentar las meglieras lavurs da matura, lavurs ch’ein il resultat da liungas stentas ton dils scolars sco dalla scola che gauda sin camp naziunal ina excellenta reputaziun.
Il venderdis vargau ei stau in di da plascher pil rectur dil gimnasi claustral a Mustér. Bruno Hensler ha saviu presentar las meglieras lavurs da matura, lavurs ch’ein il resultat da liungas stentas ton dils scolars sco dalla scola che gauda sin camp naziunal ina excellenta reputaziun.
La scola claustrala sedefenda encunter las cundiziuns da rama dadas dil cantun
Da Giusep Venzin / ANR
Il plascher dil rectur ei semischedaus cun displascher. «Nus stuein sedefender avon dertgira per nos dretgs», ha el constatau e deplorau las cundiziuns da basa dadas dil cantun. Bruno Hensler critichescha il fatg che quellas cundiziuns sforzan da sparter la scolaziun dils indigens e la scolaziun dils scolars dalla Bassa e periclitescha l’existenza dils gimnasis. «Sch’il cantun setegn vid la pratica sco ils dus davos onns – che corrispunda dil reminent per part buc alla lescha ed alla constituziun – lu tucchi nus malamein.» Il medem vali per l’indemnisaziun nunsufficienta da prestaziuns empustadas e retratgas ella regiun. «Nus stuessen reponderar il partenadi cumprovau.»
La gronda part dallas lavurs da matura excellentas han ils scolars indigens scret. Quels scolars ein da muntada per la scola claustrala, da muntada ei la scola denton era per ils scolars indigens. Il rectur dalla scola claustrala ha medemamein menziunau la valur economica dalla scola. «Il turissem ella part sura dalla Surselva ei responsabels per biebein 300 plazzas da lavur. Il gimnasi claustral persuls per rodund 100 plazzas."
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.