Perseveronza lumneziana
La gruppa grischuna «Plasma» arva damaun suentermiezdi il 30avel Open Air Lumnezia. Il pli grond open air el Grischun ei carschius el decuors dils davos treis decennis cuntinuadamein, quei denton buca senza obstachels ed incaps.
La gruppa grischuna «Plasma» arva damaun suentermiezdi il 30avel Open Air Lumnezia. Il pli grond open air el Grischun ei carschius el decuors dils davos treis decennis cuntinuadamein, quei denton buca senza obstachels ed incaps.
30 onns Open Air Lumnezia
Da Giusep Venzin / ANR
Garant pil reussir dil festival da dus dis ein Norbert Cavegn e la perseveronza lumneziana. Dapi gleiti 20 onns ei il fiduziari president dil comite d’organisaziun ed el decuors da quels onns ha el introduciu structuras professiunalas. Ni ina ruosna ella cassa ni plievgia e neiv han pudiu frenar igl open air che ha midau il 1996 da Davos Munts a Cuschnaus e diesch onns pli tard a Degen. Las ingredienzas pil festival da giubileum da questa fin d’jamna ein era las dretgas. Ina buna mischeida da musica e la bialaura prognosticada ein duas ingredienzas, ina autra ei la buna prevendita. Tgi che ha munchentau la prevendita ha denton aunc la caschun da cumprar il bigliet d’entrada alla cassa dil di, ha Norbert Cavegn informau. Ella planira da Degen porscha igl Open Air Lumnezia plaz per 15 000 persunas e dapli. Quei diember ei gleiti contonschius. Norbert Cavegn ch’ei nominaus pil Premi Terra Grischuna giavischa dapli in augment dalla qualitad da siu open air. Per la qualitad digl open air da giubileum procuran denter auter Vitalic Live, Kaisers Chiefs, Placebo e Bligg.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.