Pelegrinadi a Nossadunnaun
(anr/gc) Sco quei che Lucia Wicki-Rensch, responsabla per l’informaziun dall’instituziun «Kirche in Not», rapporta, han pli che 1000 pelegrinas e pelegrins dau suatienscha agl invit da quella instituziun, che gida cristians en miseria, ed ein serendi dumengia vargada a Nossadunnaun.
(anr/gc) Sco quei che Lucia Wicki-Rensch, responsabla per l’informaziun dall’instituziun «Kirche in Not», rapporta, han pli che 1000 pelegrinas e pelegrins dau suatienscha agl invit da quella instituziun, che gida cristians en miseria, ed ein serendi dumengia vargada a Nossadunnaun.
Cun pader Benedict Arpagaus OSB
– Celebrant principal dil survetsch divin en baselgia claustrala ei pader Benedict Arpagaus, benedictin da Nossadunnaun ed oriunds da Cumbel (Lumnezia), staus. Enramau musicalmein l’eucaristia ha igl ensemble vocal russ Vivat da St. Petersburg.
En siu priedi, che ha tschaffau fetg, ha pader Benedict detg con trest ch’ei seigi ch’aunc oz vegnien numerus cristifideivels persequitai sil mund pervia da lur cardientscha. Cun 100 milliuns cristians persequitai seigi quei la pli gronda gruppa. Quellas persecuziuns da cristifideivels succedien oravontut en tiaras muslimas e communistas. (Surlunder ha lu era Roberto Simona, incaricau per perscrutar tier la instituziun numnada, referiu suentermiezdi ella claustra a Nossadunnaun.)
Pader Benedict Arpagaus ha appellau a solidaritad visavi quels concristians en pitgiras. El ha perquei ludau la lavur da «Kirche in Not» che s’engaschi per che quels cristians supprimi sappien viver libramein lur cardientscha. Concretamein fa l’instituziun «Gida cristians en miseria» quei tras sustener quels dapi gleiti 70 onns cun projects en buca meins che 140 tiaras.
Il fundatur dalla gronda ovra d’agid «Kirche in Not», pader Werenfried van Straaten, ha pader Benedict caracterisau ellas supplicas sco in spiritual da ferma cardientscha e che hagi considerau quella sco in regal e saver viver ella sco in dretg.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.