×

Partenza en ina nova sfera

La regiun San Gottardo pren conturas concernent sia cumpetenza futura. Entras la declaronza dallas vischnauncas, pendicularas ed organisaziuns da turissem dad Andermatt, Tujetsch e Mustér survegn il project ina nova dimensiun.

Südostschweiz
09.04.13 - 02:00 Uhr

Declaronza davart la collaboraziun sil sectur turistic dad Andermatt, Tujetsch e Mustér

Da Hans Huonder / anr

Il gliendisdis suentermiezdi han ils partenaris turistics principals dils treis loghens suttascret a Sedrun in «Memorandum of Understanding». Quel regla ils proxims pass el rom d’ina collaboraziun pli stretga. «Egl avegnir lein nus impedir lavurs dublas. Nus lein concentrar las incumbensas e procurar per elements persistents per la regiun. Quei memorandum ei in clar confess dils pertuccai agl avegnir dalla regiun ed alla cooperaziun enteifer quella», di Marc Tischhauser, meinaproject dil Program San Gottardo 2020. Entras quei memorandum vegnan il proxim temps projects sco ina marca communabla, products ni era cooperaziun da tariffas en discussiun concreta. Da gronda impurtonza ei la collaboraziun turistica sigillada il gliendisdis suentermiezdi era per il Program San Gottardo 2020. «Quella cooperaziun succeda el coc dalla regiun San Gottardo. Las finamiras dils partenaris e dil Program San Gottardo ein en biars puncts identicas», di Marc Tischhauser. Entras quella collaboraziun sappien ulteriuras regiuns sco il Goms ni la Leventina vegnir involvidas ellas discussiuns concretas d’ina cooperaziun.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR