×

Nouva staziun da viafier?

Da l’on 2023 aintra in vigur la ledscha reguard persunas cun impedimaint. Fin quella jada ston tuot las persunas handicapadas pudair entrar e sortir independentamaing dals trens.

Südostschweiz
08.01.14 - 01:00 Uhr

Viafier retica examinescha alternativa per staziun da Lavin

DA FLURIN ANDRY / ANR

Perquai ston gnir dozats numerus perruns. «A no dal magistrat cumünal ha la Retica preschantà d’incuort il sböz per üna staziun alternativa per Sagliains, var 300 meters vers Lavin, in circa sur l’arsenal», disch Linard Martinelli, il capo da Lavin, «il motiv es, sco chi’ns han comunichà, cha per accumplir las prescripziuns da la ledscha reguard persunas handicapadas chi aintra in vigur da l’on 2023 stopchna dozar ils perruns.» Per far quai douvra üna tscherta distanza da perruns gualivs. «Causa cha tant la staziun da Lavin sco eir quella da Sagliains as rechattan in üna storta scriva la Retica chi stopchan tscherchar ün lö alternativ pella staziun.» Il cussagl cumünal da Lavin, il magistrat, ha discuss la chosa e respus a la Viafier retica (VR) ch’els discutan jent tuot las pussibiltats per üna staziun da viafier optimada, «però sün l’areal da la staziun existenta a Lavin e na là ingio chi prevezzan.» La radschun es cha là gniss, sco chi disch il paur Peider Andri Saluz, «sguazzà terrain agricul, causa chi dovress eir via e parkegis». Yvonne Dünser, la respunsabla pel servezzan da pressa pro la VR, intuna chi’s tratta per intant amo «be dad ün’idea ed amo lönch na dad ün proget concret».

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR