Niev spazi per stizuns e habitaziuns

El center dil vitg da Mustér vegnan duas casas veglias remplazzadas d’ina nova surbaghegiada

Da Hans Huonder / anr

Medemamein spazzada vegn l’anteriura casa dalla famiglia Keller. Ultra da duas alzadas cun graraschas per parcadis cumpeglia la casa nova ina alzada per stizuns e treis alzadas per habitaziuns. Tut en tut vegn erigiu sis unitads da habitar. Las stizuns vegnan sin l’altezia dalla via cantunala. Ina part vegn affittada da Moda Decurtins che porscha gia oz sia vestgadira en quella casa. Il baghetg niev vegn erigius d’ina societad da baghegiar cul num «Center dil vitg». La finamira ei da saver entscheiver cun las lavurs primavera proxima e da saver surdar il spazi da fatschenta e da habitar miez digl onn 2016 als affittaders. Dabia peisa dat il planisader Aluis Huonder al spazi liber entuorn la casa. Quel e las pusseivladads da stizun e habitaziuns vegnan a far il center dil vitg pli attractivs. Ils davos onns ein plirs baghetgs vegls el contuorn dil vitg da Mustér vegni spazzai e remplazzai da surbaghegiadas. Il mument vegn era luvrau vid la nova casa da habitar a Raveras, leu nua che la Casa Langhini sesanflava. Quella ei vegnida spazzada l’jamna vargada.