×

Mussament da temps vargau

Rodund 50 onns ha il mulin dalla famiglia Manetsch a Mompé Medel adempliu siu survetsch. Ils davos treis decennis ha el giu negina funcziun pli. Suenter ina restauraziun minuziusa eis el ussa puspei semtgaus per novs pensums.

Südostschweiz
27.12.13 - 01:00 Uhr

Il mulin vegl da Mompé Medel ei vegnius restauraus

Da Hans Huonder / anr

Avon biebein 80 onns ei l’electrificaziun digl uclaun da Mompé Medel succedida. Quei progress tecnic ha procurau per novas pusseivladads. Aluis Manetsch ha nezegiau la forza electrica, installond ina resgia ed in mulin da graun. Ferton che la resgia ei restada en funcziun entochen sil di dad oz ei l’èra dil mulin ida a fin ils onns otgonta. Gion Battesta Manetsch, ins dils dus possessurs dil mulin, ha restaurau quel e proximamein han vischinas e vischins la pusseivladad da seperschuader da sia funcziunalitad. Egl avegnir vegn il mulin mess en funcziun oravontut per demonstraziuns. Avon ch’il mulin vegni installaus 1934 stuevan ils da Mompé Medel serender a Mustér per laschar mular lur graun.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR