Mellis onns en scatlas
(anr/abc) Da principi eis ei caussas che s’audan alla publicitad. Tut quei che fuva conservau duront tschentaners ella tiara e che vegn excavau s’auda al cantun.
(anr/abc) Da principi eis ei caussas che s’audan alla publicitad. Tut quei che fuva conservau duront tschentaners ella tiara e che vegn excavau s’auda al cantun.
Viseta tiel survetsch archeologic dil Grischun
Tiel Survetsch archeologic dil cantun Grischun serimna aschia ina pluna caussas. Quellas vegnan conservadas el tschaler da schurmetg per beins culturals a Haldenstein. Ei setracti da plirs tschiensmellis objects, confirma il menader dil survetsch archeologic dil Grischun, Thomas Reitmaier. Tonta rauba drova plaz ed ins sa strusch s’imaginar nua ch’ei ha ton.
Sut il casti da Haldenstein ha il cantun a disposiziun in tschaler aposta per conservar tut quei ch’ils archeologs han explotau ord cavas, foss e plazzals da baghegiar aviarts. Ei setracta d’objects da gronda valur. Buc exnum en muneida, denton da valur per la historia grischuna. Mintga object ei in mussament dalla civilisaziun en nies cantun. Cunzun cun vischala e cheramica, mo era cun textilias, san ils specialists e scienziai identificar la perioda dalla colonisaziun. Ils objects ch’ein conservai e cataloghisai el tschaler da schurmetg vegnan duvrai stediamein per la perscrutaziun.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.