×

«Main taglia per il mastergn»

Tenor ils giuvens liberals duain tut las baselgias e cuminanzas religiusas surpigliar sezzas ils custs dal cultus. Tant regenza e cussegl grond sco tut las partidas etablidas en il Grischun recumondan da refusar l’iniziativa.

Südostschweiz
04.02.14 - 01:00 Uhr

Votaziun chantunala davart l’iniziativa dals giuvens liberals

da Martin Cabalzar

Schizunt la partida-mamma, Partida liberaldemocratica dal Grischun, recumonda cun 37 cunter 30 vuschs da refusar l’iniziativa dals giuvens liberals.

En il Grischun èn er persunas giuridicas obligadas da pajar ina taglia da cultus per lur interpresa. Cuntrari a las persunas privatas na pon las persunas giuridicas dentant betg sortir da la baselgia e sa delibear uschia da l’obligaziun da pajar taglia da baselgia. Tenor il parsura dals giuvens liberals Thomas Bigliel èn religiun e cretta dentant chaussas persunalas che na dastgan betg esser in sforz.

Per Placi Berther, il parsura da la cumissiun administrativa dal Corpus Catholicum, è la taglia da cultus da las interpresas absolutamain indispensabla. Senza quella vegnessan cunzunt plaivs pitschnas e flaivlas da finanza fermamain sut squitsch. Era numerusas purschidas caritativas, socialas e culturalas da las baselgias chantunalas fissian periclitadas cun abolir la taglia da cultus per interpresas. Entant che la distgargia finanziala saja marginala per las persunas giuridicas, per las baselgias chantunalas saja la taglia dentant da muntada existenziala.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR