×

Lumbrein e ses Americans

(anr/abc) L’emigraziun da certas vischnauncas ell’America ei documentada fetg bein. Aschia per exempel a Tujetsch ni ella Val Schons. D’autras eis ei strusch enconuschent che la populaziun emigrava.

Südostschweiz
31.10.14 - 01:00 Uhr

Avon 100 onns ein biars Lumerins emigrai

In tal cass ei Lumbrein. Gion Giachen Capaul, anteriur administratur dalla Banca Raiffeisen da Laax, ei carschius si a Lumbrein. Ed en sia famiglia fuva la tematica dils Americans omnipresenta. Denter ils onns 1890 tochen 1914 ein roschas da Lumerins parti per l’America. Ils biars suandavan convischins ch’eran gia sesents en certas regiuns. Cu ils da Lumbrein s’embarcavan a Le Havre per l’America ed arrivavan da l’autra vart dalla Mar atlantica, cuntinuavan els savens il viadi encunter vest. La tatta da Gion Giachen Capaul, Victoria Derungs-Capaul, ei morta avon 50 onns. Tut ses tschun fargliuns eran emigrai. Quei ei stau cumbinau cun in viv contact culs Americans. Dacuort han treis d’els visitau lur liug d’origin a Lumbrein. En ina zun interessanta contribuziun seregorda e raquenta Gion Giachen Capaul, il zavrin da Bruce Capaul.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR