La Baselgia vess bia da dir
Tier la revisiun actuala dil dretg dalla famiglia ein da principi tuts pertuccai e cheutras era tuts dumandai. Sin plaun politic ha il parlament federal gia fatg entgins pass e reglau il dretg e la responsabladad per la tgira ed il sustegn dils affons en cas da separaziun dalla lètg ni per geniturs buca maridai sco era davart il partenadi purtaus en per homosexuals.
Tier la revisiun actuala dil dretg dalla famiglia ein da principi tuts pertuccai e cheutras era tuts dumandai. Sin plaun politic ha il parlament federal gia fatg entgins pass e reglau il dretg e la responsabladad per la tgira ed il sustegn dils affons en cas da separaziun dalla lètg ni per geniturs buca maridai sco era davart il partenadi purtaus en per homosexuals.
da Lucas Deplazes/ANr
Sommaruga vul – sin fundament dallas realitads succedidas ils davos decennis en nossa communitad – integrar ulteriuras fuormas da convivenza el dretg civil. La ministra dil departament da giustia e polizia rimna ils meinis per ina revisiun dalla lescha vertenta. La Baselgia savess dir, quei ei caussa dil stadi, nus vein noss agens sacraments ch’ein independents in da l’auter. Ella realitad viva la Baselgia en Svizra en in sistem cantunal-dualistic, quei vul dir ch’ei dat praticamein ligioms d‘interess per omisdus. En vesta al svilup social-moral dils davos onns fuss ei bein impurtont d’enconuscher la clara posiziun dalla Baselgia davart l’instrucziun sexuala, planisada el «Plan d’instrucziun 21/Harmos» ni areguard la recenta campagna da prevenziun cunter aids/sida che munta ina midada da paradigma. Sco quei ch’ei para ha la Baselgia oz difficultads da formular in clara posiziun en diversas damondas areguard la convivenza. Pertgei quei quescher?
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.