×

L’EX resplenda la purschida regiunala

Duront treis dis presentan rodund 90 exposituras ed expositurs – per gronda part dalla Surselva – lur purschida all’EX14. L’exposiziun da commerci e professiun a Mustér ha liug uonn per la dieschavla ga.

Südostschweiz
24.10.14 - 02:00 Uhr
L’EX resplenda la purschida regiunala

Oz arva la dieschavla exposiziun da commerci e professiun a Mustér – EX14 – sias portas

Da Hans Huonder / anr

Ils onns 1980 ha l’Uniun da commerci e professiun Mustér e contuorn fatg patratgs co propagar meglier la purschida regiunala. Da quellas ponderaziuns ei naschida l’EX che ha giu liug l’emprema ga igl atun 1986. Dapi lu eis ella sesviluppada marcantamein ed ei s’aviarta engiuviars. Ils emprems onns ei l’EX stada la plattafuorma da reclama per las interpresas dalla Cadi. Quei ei semidau igl onn 2000. Lu han ils responsabels per l’EX decidiu da dar era allas fatschentas dalla Foppa la caschun da separticipar. Cun il diember d’expositurs d’uonn ei il president dil comite d’organisaziun, Paul Duff, cuntents: «L’entira surfatscha d’exposiziun ch’ei stada a disposiziun a nus ei vendida.» Ultra dalla purschida commerciala offerescha il comite d’organisaziun dall’EX era uonn in program da rama cun differents elements d’informaziun e divertiment. Dad ina vart ei quei musica pils giuvenils il venderdis sera, da l’autra vart cabaret e recreaziun la sonda sera. La dumengia sepresentan ils chors d’affons da Sumvitg e Surselva. Lu ha era liug ina discussiun al podi davart ils animals da rapina gronds. Davart quels vegn era mussau all’EX14 ina interessanta exposiziun speciala.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR