Inge Hueber expuona a Sent

(anr/bcs) Sonda passada ha gnü lö la vernissascha d’art da textilias da l’artista da Köln Inge Hueber aint il Art Textil Sent. Hueber es cuntschainta ed ha expost sün tuot il muond. Ella ha pudü tour in consegna blers premis per sias lavurs. La spezialità da Hueber sun quilts, voul dir pitschens tocs da stoffa in bleras culurs chi fuorman ün’unità. La stoffa vain culurida da l’artista ed ils quilts expriman vita ed energia. Las cusadüras sun visiblas e dan a las ouvras üna fuorma tuot particulara. L’exposiziun ha lö a Sent aint la Chasa Triazza a Stron al principi dal cumün dals 20 da settember fin als 5 d’october il mardi e la dumengia da las 12.00 fin las 18.00.