×

Ina scola per la veta

(anr/abc) La scola profitescha aunc adina dil bien num che la scola da puras haveva avon onns. Aunc adina deriva ina part dils scolars dallas valladas talianas dil Grischun.

Südostschweiz
28.03.14 - 01:00 Uhr

Treis quarts dils scolars dalla Scola Vinavon vegnan d’ordeifer la Surselva. Els frequentan a Glion il 10avel onn da scola. Cheu han els caschun da madirar e da far il svilup per emprender cun success in mistregn. Dils 58 giuvenils che absolvan dapresent la Scola Vinavon han 50 gia anflau ina plazza d’emprendissadi. Cunzun la partiziun informatica/lungatgs ei fetg tschercada ed ella para dad esser ina nischa sin plaun cantunal. Ina gronda partida dils scolars fa mintga gi la damaun il viadi cul tren da Cuera e tuorna anavos. Igl ei in pulit sacrifeci che cunvegn denton pils pli biars. Duront igl onn alla Scola Vinavon emprendan els buca mo ils roms obligatorics, pia lungatgs, informatica e matematica. Els emprendan era da viver ensemen, da prender risguard e da mussar manieras. L’anr ha visitau il 10avel onn da scola ell’anteriura scola da puras a Glion.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR