Ina dunna al timun da RTR
Ladina Heimgartner è la nova directura da Radiotelevisiun Svizra Rumantscha a Cuira. La schurnalista è l’emprima dunna al timun da RTR. Ella è vegnida elegida sco successura da Mariano Tschuor dal cussegl administrativ SRG SSR sin proposta unanima da la suprastanza SRG.
Ladina Heimgartner è la nova directura da Radiotelevisiun Svizra Rumantscha a Cuira. La schurnalista è l’emprima dunna al timun da RTR. Ella è vegnida elegida sco successura da Mariano Tschuor dal cussegl administrativ SRG SSR sin proposta unanima da la suprastanza SRG.
Ladina Heimgartner daventa nova directura da Radiotelevisiun Svizra Rumantscha
da Martin Cabalzar
R. Heimgartner ha 33 onns ed è oriunda da Scuol nua ch’ella ha era visità la scola. Silsuenter ha ella fatg la matura a l’Institut Otalpin a Ftan e pli tard ha ella studegià germanistica e litteratura rumantscha a l’Universitad da Fribourg. Il studi ha Heimgartner terminà cun il licenziat lic. phil. I en germanistica e rumantsch. Il 2007 ha Ladina Heimgartner cumenzà sia carriera tar la SRG SSR: Ella daventa redactura dal Radio Rumantsch e gia in onn suenter è ella manadra dal ressort «Reflexiun». Da 2010 fin 2011 è Heimgartner stada substituta dal chauredactur da RTR. Actualmain maina Ladina Heimgartner la partiziun «Martgads e qualitad» da la direcziun generala da la SRG SSR a Berna. Entant che SRG.R ha resguardà fin qua in tschert equiliber regiunal tar talas elecziuns para la quota da dunnas apparentamain d’avair giugà questa giada la rolla centrala. Tant parsura sco directura e chaufredactur da RTR derivan uss da l’Engiadina.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.