Ils strapatschs cumenzan pir uss
Decider da sortir da l’energia atomara è ì tgunsch. Uss cumenza la vaira lavur. Damaun e l’emna proxima debattescha il cussegl naziunal davart il co e cum da la vieuta d’energia.
Decider da sortir da l’energia atomara è ì tgunsch. Uss cumenza la vaira lavur. Damaun e l’emna proxima debattescha il cussegl naziunal davart il co e cum da la vieuta d’energia.
Tschintg dis quinta il cussegl naziunal per la debatta
da claudia cadruvi / anr
Tschintg dis ha il cussegl naziunal reservà per la strategia d’energia 2050. En tut cumpiglia il pachet diesch leschas: ina revisiun totala e nov revisiuns parzialas.
Diras lutgas èn cunzunt da spetgar davart las modalitads da tschentar giu las ovras atomaras existentas. Fin uss ha il parlament mo decidì la sortida atomara en furma d’ina incumbensa al cussegl federal. I n’è betg da spetgar ch’il parlament midia opiniun. Contestà è dentant sch’i vala per possessurs d’ovras atomaras prescripziuns spezialas.
Il cussegl federal è da l’avis che las reglas dad oz bastian: Ovras atomaras dastgan vegnir utilisadas uschè ditg sco l’inspectorat da surveglianza Ensi las valitescha sco segiras. La cumissun dal cussegl naziunal propona uss dentant ch’ils possessurs d’ovras stoppian suttametter suenter 40 onns in concept da prolungaziun che garantescha la segirtad.
In crap da stgarpitsch entaifer la strategia d’energia 2050 è era la refurma ecologica da taglia. Lezza vegn en nomina pir cun in segund pachet ch’il cussegl federal vul suttametter la primavaira proxima.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.