×

Ils ses cumüns decidan in sonda

(anr/fa) Quista fin d’eivna decidan ils abitants dals ses cumüns da Guarda fin Sent schi vöglian fusiunar o na. Scha la majorità disch schi survain l’Engiadina Bassa ün nouv cumün cun var 4700 abitants.

Südostschweiz
27.03.14 - 01:00 Uhr

Da l’on 2011 han cumanzà ils capos dals cumüns Tarasp, Ftan, Scuol e Sent a discussiunar davart ün’eventuala fusiun da lur cumüns. In vista al chantun chi favorisescha vieplü ils cumüns plü gronds ed eir causa la difficultà da chattar glieud chi’s metta a disposiziun per surtour gremis politics han decis ils cussagls cumünals d’iniziar ed elavurar ün proget da fusiun. Plü tard sun gnüts pro eir ils cumüns d’Ardez e da Guarda. In sonda e dumengia avantmezdi decidan las abitantas ed ils abitants dals ses cumüns schi sustegnan o refüsan l’intent da fusiunar. Scha Scuol ed almain trais oters dals ses cumüns dischan schi dvainta la fusiun realtà. Scha tuots ses cumüns sun da la partida daja ün cumün cun 4700 abitants e cun üna surfatscha da 44 000 hectaras.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR