Ils interess collideschan

Dil plan directiv regiunal sefatschenta en cuort il parlament dalla regiun

(anr/ac) Tenor la lescha federala stuess in plan da svilup coordinar ils divers interess viers il spazi. Ella pratica ei quei buc aschi sempel sco in?egliada ellas propostas per las adattaziuns dil plan regiunal sursilvan muossan. Ils creaders dil plan directiv regiunal ein sedai tutta breigia d?anflar igl equiliber denter il svilup economic e schurmegiar la cuntrada. D?ina coordinaziun dils interess ei il plan denton lunsch naven. Quei muossa la proposta per colligiar il territori da skis da Breil/Vuorz/Andiast cun quel dalla Arena Alva. Il project da skis tanghescha ina cuntrada valetada dil plan regiunal da speciala muntad ed aunc ina zona da ruaus da selvaschina. Igl ei denton buc il sulet conflict d?interess che seresulta dil plan directiv regiunal. Daferton critichescha la Fundaziun svizra per la protecziun dalla cuntrada massiv il project da colligiaziun dallas pendicularas.