Il misteri da Bargun

(mc) Avon 30 onns ei il catschadur Venanzi Camenisch (1926–1984) vegnius per la veta igl emprem gi da catscha. Sia mort ei restada in misteri. En sia «cronica filmica» «Il misteri da Bargun» reconstruescha igl autur Gieri Venzin las davosas uras da Venanzia Camenisch. El muossa tgei ch’ei vegniu fatg per sclarir il cass e daco che quei ei mai reussiu. A plaid vegnan persunas pertuccadas: catschadurs ch’eran el territori da catscha, il polizist che ha menau l’inquisiziun, amitgs e vischins da Murissen ed oravontut era ils affons da Venanzi Camenisch che san aunc oz buca tgei ch’ei veramein schabegiau cun lur bab ils 10 da settember 1984. Tenor la producenta Bertilla Giossi metta il film il det silla plaga senza vulnerar quella.