Il grep semuenta, mo negin prighel
La situaziun ei stada dramatica lezza gada. In dils blocs crodi giu proximamein, havevan las autoritads avertiu. Siat onns suenter ei quel aunc adina ella preit dil Crap da Flem.
La situaziun ei stada dramatica lezza gada. In dils blocs crodi giu proximamein, havevan las autoritads avertiu. Siat onns suenter ei quel aunc adina ella preit dil Crap da Flem.
Sur Flem/Fidaz ei la situaziun sut controlla
Dad Augustin Beeli / anr
Las experientschas, mesiraziuns ed observaziuns muossan ch’igl ei da quintar pér en 20 onns ch’il bloc pli pign seleischna a val.
La bova dil Crap da Flem ei aunc buca diltut a fin. Avon circa 9000 onns fuva ina massa immensa selischnada a val ed haveva formau da niev la cuntrada. Il material ha stuppau il Rein, davostier ei in lag seformaus – il schinumnau Lag da Glion. Culs onns ha l’aua saviu perfurar quei material da caltschina. Aschia ha il Rein entschiet a formar la Ruinaulta. Tut il material dalla bova dil Crap da Flem ei denton aunc buc a val. Sur Fidaz ein divers blocs libers e quels caschunan magari malsegirtad. Avon siat onns, il matg 2007, ei stau in tal mument dramatic ch’ins ha stuiu temer ch’ils blocs da 200 cubics crodien a val. Lu savev’ins nuot dallas dimensiuns ed ils geologs han pér entschiet a rimnar las experientschas.
Oz ha la fracziun da Fidaz la segirtad cun agid d’in sistem da controlla fetg actual e precis. Il teodolit ei drizzaus da tuttas uras en direcziun dil liug critic. Ed ils da Flem san s’informar da tuttas uras davart ils moviments. Las observaziuns muossan in interessant ciclus da moviments.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.