Il caos ei cumplets
Avon miez onn eran ils binaris tschentai sin verd e la realisaziun dil project d’integraziun da giuvenils egl anteriur baghetg Da Casa Lumnezia a Cumbel steva cuort avon sia realisaziun.
Avon miez onn eran ils binaris tschentai sin verd e la realisaziun dil project d’integraziun da giuvenils egl anteriur baghetg Da Casa Lumnezia a Cumbel steva cuort avon sia realisaziun.
La Societad cooperativa Casa Miraval ellas stretgas
Da Giusep Venzin / ANR
La radunonza communala da miez uost haveva concediu in credit da partenza d’in milliun francs e la Fundaziun Da Casa Lumnezia havess surschau il baghetg schazegiaus cun bunamein treis milliuns per in prezi favoreivel en dretg da construcziun. Silvio Capeder haveva enfilau las contractivas sco president dalla Fundaziun Da Casa Lumnezia e sco president dalla Societad cooperativa Casa Miraval Cumbel.
Bia ei semidau igl onn vargau en Lumnezia. Las otg vischnauncas ein daventadas ina e la Fundaziun Da Casa Lumnezia ha duvrau in niev tgamun per dumignar las sfidas. Igl atun ha il cantun aunc tratg il frein manegiond che la fundaziun surlaschi l’anteriura casa da tgira alla Societad Miraval per in prezi da parents.
La realisaziun dil project d’integraziun ei retardaus ed ussa vulan dus impressaris indigens aunc cumprar l’anteriura casa da tgira a Cumbel. Quei ha fatg il caos cumplet e Silvio Capeder ha surdau la bitgetta dalla cooperativa. El sez ha buca vuliu cumprovar quei. La posiziun dalla cooperativa publicada ier ha denton Gian Derungs suttascret. En quella posiziun conceda el: «Per planisar e per che nos collaboraturs sappien luvrar vinavon duvrein nus ina cunvegna obligonta tochen ils 15 da mars. Cas cuntrari vegnin nus a sistir il project en quei liug ed examinar alternativas.»
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.