×

Hotel dil Parc sin pei falomber

Cun vender numerusas habitaziuns secundaras ha la Flims Mountain Resort SA vuliu segirar igl avegnir dil Hotel dil Parc. Diversas investiziuns ein bein succedidas.

Südostschweiz
23.01.14 - 01:00 Uhr

La strategia dalla Flims Mountain Resort SA ei buca secumprovada

Dad Andreas Cadonau / ANR

Sviulta e recav dil hotel ein denton tschessai e mettan en damonda l’existenza dil hotel e la strategia dil cussegl d’administraziun. Exponents dil turissem e dalla vischnaunca da Flem ein buc exnum surstai dalla situaziun finanziala dil Hotel dil Parc. Tonpli fetg ein els inquietai en vesta alla valur turistica dil sulet stabiliment da tschun steilas en Surselva per la regiun turistica da Flem entochen Falera.

Il Hotel dil Parc vala per ina dallas impurtontas perdetgas ord l’entschatta dil turissem sursilvan ella secunda mesadad dil 19avel tschentaner.

Bein ei la situaziun economica per la hotellaria buca fetg sempla.

Gest a Flem ha ella piars els decennis vargai dabia da sia substanza. La strategia dil cussegl d’administraziun dalla Flims Mountain Resort SA da construir habitaziuns secundaras sigl intschess dil hotel ha bein sbursau daners en cassa e possibilitau diversas investiziuns en l’infrastructura. Las habitaziuns han denton era privau il hotel da clientella potenta. Sper nova clientella basegna il hotel urgentamein novs investurs.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR