×

Gratuitamein cun tren e pendiculara a Sedrun e Mustér

La stad ed igl atun vegnent san ils hosps da vacanzas da Mustér e Sedrun nezegiar gratuitamein il tren entochen sil Pass dall’Alpsu e la pendiculara a Caischavedra.

Südostschweiz
28.01.15 - 01:00 Uhr

Quei conclus ha la suprastonza da Sedrun Mu­stér Turissem priu il gliendisdis. Tenor il meinafatschenta ei quei ina prestaziun ch’ei ussa pusseivla sin fundament digl alzament dallas taxas da turissem. Ulteriurs daners duein vegnir investai ils proxims onns en arranschaments gronds sco per exempel il Di da viandar svizzer da quest atun ni la Fiasta d’accordeon federala digl onn vegnent. Ch’ins porscha buc il tren gratuit dalla Viafier Matterhorn Gottard entochen Andermatt ha in motiv principal. Tenor Hans-Kaspar Schwarzenbach ha Andermatt buca vuliu separticipar a quella acziun e medemamein porscher a ses hosps la pusseivladad gratuita da vegnir enneu en Surselva.

pagina 3

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR