Georg Fallet - 11 ons grondcusglier

Ma eir quist mandat dubel til ha fat plaschair. In gün da quist on ha Georg Fallet passantà si'ultima sezzüda sco grondcusglier grischun. «I d'eira ün bel temp eir sch’eu d’eira mincha vouta agità cur ch’eu staiva star davant ils deputats e dir quai ch’eu laiva dir», ria’l. Ch'el vess nempe gugent discurrü «uschè sco cha'l pical til saja creschü», invezza da stuvair far frasas in tudais-ch. Ma quai ch'el vaiva da dir ha el adüna dit. Uossa cha Fallet nu s'ingascha plü activamaing illa politica bada'l pür quant liber ch'el es. Til mancar vi da tuot sia carriera politica til mancaran sco ch'el ha dit, sgürischem ils inscunters e las discussiuns cun collegas e collegs dal Grond Cussagl. «Eu sun ün tip da cumpagnia e las discussiuns ch’eu n'ha pudü far cun quists amis sun idas fin dalöntsch sur ils cunfins dals partits oura», declera'l.