Fegl parochial per ils catolics dil Grischun

Quei magazin destinaus per tut ils catolics dil Grischun duei cumparer mensilmein els treis lungatgs cantunals. El cuntegn ina part tematica che s’occupa cun temas religius ed in fasch intern che stat a disposiziun per las publicaziuns dallas pleivs. Il niev Fegl parochial cantunal duei esser in ver forum ecclesiastic tenor igl exempel dil Fegl parochial dalla baselgia catolica da Turitg. Suenter che las baselgias sesvidan pli e pli vegn il Fegl parochial cantunal che vess da remplazzar ils fegls parochials regiunals ni locals consideraus sco nova «scantschala publicistica». Damai che il fegl parochial vegn derasaus en scadina casada quentan ins era saver plidentar tals ch’ein i ils davos onns sin distanza dalla baselgia, ni schizun extrai.