Far dil bien e tschintschar surlunder

Aunc ein las sinergias finanzialas dalla vischnaunca fusiunada buca semussadas. Memia aults ein momentan ils ­cuosts per mantener l’infra­structura dallas 13 fracziuns dad Ilanz/Glion. Tuttina mira il president communal cun perseveronza egl avegnir. El ha adina giu puntuau che la vischnaunca nova cun sias 13 fracziuns drovi treis entochen quater onns en­tochen ch’ella hagi fitgau pei scosauda. Suenter in onn da lavur ha il president dalla vischnaunca da Ilanz/Glion, , buca midau pareri. El ei cuntents cun l’organisaziun communala ch’ei, tenor siu avis, secumprovada. La collaboraziun interna dalla administraziun funcziuna ed era quella denter gestiun, supra­stonza e parlament.

Aurelio Casanova ha buca tralaschau da menziunar in pèr punct critics. In da quels ein la situaziun finanziala ed il preventiv che contonscha buca las finamiras finan­zialas avisadas antruras. Ton l’infrastructura dallas fracziuns, ils loghens decentrals da scola ed ulteriurs motivs tegnan ad ault las expensas dil preventiv communal.

Buca cuntents ei il president communal cun la communica­ziun denter administraziun e fracziuns. Memia pauc dalla lavur communala contonscha l’ureglia dalla populaziun. Ils canals communicativs actuals paran buca dad ademplir ils basegns aschia ch’il president e siu ambient politic pondereschan co migliurar la situaziun.

pagina 3