Eviva il muond digitel

(anr/mfo) L’internet fo in bgers cas dvanter la vita pü simpla. Scha l’egen iffaunt cumainza però a «chatter» dvaintan genituors gniervus. Ils mezs d’infuormaziun digitels sun varios e dvantos chosa dal minchadi. E que na be tar creschieus: «Noss iffaunts cumainzan a s’interesser per quist muond e nus als vulains sustegner cur ch’els inchaminan vias digitelas», ho dit Christine Fenner Caflisch da Samedan, la presidenta dal cussagl da genituors da Samedan-Schlarigna-Bever. Perque ho il cussagl invido ad üna saireda d’infuormaziun. Per la generaziun nada aunz ils ans ochaunta es il muond digitel suvenz ün muond incuntschaint.