Els aults ein las cundiziuns bunas
La fatschenta da Nadal dallas pendicularas dat per part ell’aua. Singulas societads han aunc gnanc saviu preparar las pistas. Ils proxims dis empermettan buca ina migliur essenziala.
La fatschenta da Nadal dallas pendicularas dat per part ell’aua. Singulas societads han aunc gnanc saviu preparar las pistas. Ils proxims dis empermettan buca ina migliur essenziala.
Tonaton annunzian entgins territoris da skis cundiziuns cuntenteivlas entochen fetg bunas. Cura ch’igl unviern ei arrivaus entuorn miez november ei il levgiament dils turistichers staus gronds. Las temperaturas migeivlas suandontas e la plievgia per part entochen sur varga 2000 meters sur mar han denton laschau luar successivamein la neiv. Sulettamein en territoris sur 1800 meters ha la cozza da neiv saviu semantener en ina fuorma che la preparaziun da pistas ei stada pusseivla. Essend che las temperaturas ein denton stadas aultas, han biaras pistas buca saviu vegnir ennevadas. Muort quellas cundiziuns san ils territoris da skis da Sursaissa/Mundaun e Val S. Pieder porscher a lur hosps pil mument aunc neginas pistas preparadas. Singuls indrezs da transport ein en funcziun per menar ils turists egl ault e per che quels sappien guder leu silmeins ina spassegiada. A Sedrun-Alpsu-Andermatt, Breil-Vuorz-Andiast e Laax-Flem ei ina part dallas pistas en funcziun, a Mustér san tut ils indrezs principals e tuttas pistas entochen sin quella a val vegnir mess a disposiziun als hosps.
pagina 3
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.