×

Decisiun reguard center da chüra

Las votantas e’ls votants d’Engiadin’Ota decidan al principi da favrer scha la regiun survain ün center da chüra regiunal. Quel gniss fabrichà a Samedan illa costa davo l’ospidal.

Südostschweiz
23.01.14 - 01:00 Uhr

Votaziun en il circul d’Engiadin’Ota davart il center da chüra

Da Flurin Andry ANR

Da l’on 1980 es gnüda fabrichada a Samedan la dmura d’attempats Promulins e dal 1993 daspera üna chasa da chüra. Dal 2007 s’haja cumanzà ad examinar differentas variantas per fabrichar üna nouva chasa da chüra regiunala. Davo avair examinà differentas variantas, p. ex. da sanar ed ingrondir tenor bsögn la chasa da chüra existenta a Promulins, ha decis il cussagl da cumön da fabrichar üna nouva chasa da chüra illa costa davo l’ospidal da Samedan. Il landamma Gian Duri Ratti es ün dals aderents da quista varianta. Jost Fallet chi rapreschainta l’opposiziun invezza es cunter il proget nomnà Farkas. Als 9 da favrer decida il suveran da l’Engiadin’Ota scha la regiun survain per 64,5 milliuns francs la chasa da chüra davo l’ospidal o schi’d es da chattar ün’otra soluziun.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR