Cussegl federal permetta lavur curta

Uschia communitgescha il Departament federal per l’economia. Cun questa mesira veglia Schneider-Ammann evitar che plazzas da lavur giajan a perder. Gia il 2011 aveva il cussegl federal lubì lavur curta per minimar las consequenzas dal ferm franc. Quella giada aveva il parlament dentant anc concedì ulteriur su­stegn cun in pachet d’agid da 500 milliuns francs. Tenor da l’Uffizi chantunal da mastergn è la lavur curta normalmein pussaivla durant 12 mais enteifer ina perioda da dus onns. Il cussegl federal sa dentant prolungar quest temp, per exempel sin 24 mais entaifer ina perioda da dus onns.

Travail.Suisse beneventa la deci­siun dal cusseglier federal . Lavur curta saja il dretg instrument per su­stegnair las indu­strias e las branschas en situa­ziun da crisa, scriva l’uniun te­tgala dals sindicats. A Travail.Suisse fa i era plaschair ch’il cussegl federal ha agì uschè spert. Uschia possian ins salvar bunas plazzas da lavur per lavurers qualifitgads ed impedir ina disch­industrialisaziun nungiu­stifitgada da la Svizra, scriva il president .