×

Cultura ballape rumantsch

Turnier da ballape ed inscunter cultural tranter ils Rumantschs, ils Ladins dal Tirol dal sid ed in’equipa tessinaisa sonda e dumengia, ils 29 e 30 da zercladur 2013 a Scuol.

Südostschweiz
21.05.13 - 02:00 Uhr

La da curt fundada uniun CBR (cultura ballape rumantsch) organisescha in inscunter sportiv, linguistic e cultural cun ses fragliuns rumantschs, ils Ladins da las Dolomitas, e cun in’equipa dal Tessin. Quel inscunter è la fin d’emna dals 29/30 da zercladur 2013 a Scuol.

La sonda stattan il barat cultural e l’inscunter da las equipas en il center dal program. Ellas vegnan a far diever communablamain da las differentas purschidas dal program da giubileum da la Viafier retica da la lingia Bever–Scuol che festivescha la medema fin d’emna ses 100avel anniversari.

Il punct culminant da l’inscunter è dumengia a partir da las 13.00 sin la plazza da ballape Gurlaina a Scuol. Las trais equipas sa mesiran sportivamain en in turnier da ballape. Suenter il turnier suonda ina tschaina communabla nua ch’il star da buna cumpagnia vegn promovì.

Cun quest scriver tschertga l’uniun era giugaders interessads che avessan gust da sa participar a l’inscunter. Quests pon drizzar l’annunzia a marcogiusep@hotmail.com.

L’uniun CBR sa legra era da numerus aspectaturs e supporters da l’equipa rumantscha.

Salids culturals, sportivs e rumantschs. Il president da l’uniun CBR:

David Flepp

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR