Cultivar ers da graun renda puspei
La damonda «Resvegl dil graun en Surselva?» ei stada el center dalla sera d’informaziun ch’il Center sursilvan d‘agricultura a Mustér ha organisau la mesjamna sera.
La damonda «Resvegl dil graun en Surselva?» ei stada el center dalla sera d’informaziun ch’il Center sursilvan d‘agricultura a Mustér ha organisau la mesjamna sera.
Da Susi Rothmund / ANR
La damonda «Resvegl dil graun en Surselva?» ei stada el center dalla sera d’informaziun ch’il Center sursilvan d‘agricultura a Mustér ha organisau la mesjamna sera. Giudem la Surselva ed en Lumnezia dat ei aunc singuls ers da graun, ella Cadi ein quels svani dil tuttafatg. Ussa duein ils purs en Surselva puspei cultivar dapli ers da graun, las premissas persuenter ein dadas dalla nova politica agrara 2014–2017. Sco il referent Batist Spinatsch ha declarau cultivavan ils purs en Surselva igl onn 1999 aunc 50 hectaras graun, oz ei quei mo rodund 10 hectaras. Sco motiv per quella digren marcanta ha il menader dalla partiziun planticultura al center da formaziun e cussegliaziun agricultura Plantahof numnau la mecanisaziun, la munconza d’infrastructura e schliatas raccoltas. Cultivar graun rendevi per dabia buca pli aschi bein sco elevar biestga. Entras la nova politica agrara ei quei puspei auter ed il cantun vul animar e sustener ils purs da cultivar ers da graun.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.