Co finanziar quists cuosts?
In cumüns cun aigna scoula media esa per regla blers giuvenils chi frequaintan il progimnasi. La nouva egualisaziun da finanzas chantunala prescriva cha’ls cumüns hajan da surtour ils cuosts per quella scolaziun.
In cumüns cun aigna scoula media esa per regla blers giuvenils chi frequaintan il progimnasi. La nouva egualisaziun da finanzas chantunala prescriva cha’ls cumüns hajan da surtour ils cuosts per quella scolaziun.
Cumüns cun gimnasis as fan pissers
DA FLURIN ANDRY / ANR
D’incuort ha trattà il grond cussagl la refuorma da l’egualisaziun da finanzas chantunala. Sco proponü da la regenza e la majorità da la cumischiun esa gnü decis cha’ls cumüns surpiglian in avegnir ils cuosts pellas scolaras e scolars chi frequaintan ün progimnasi. In media as tratta da cuosts annuals da s-chars 15 000 francs per scolar. «Siond cha a Zuoz, ed eir a Samedan, as rechattan las scoulas medias d’immez cumün esa fich attractiv per nossas scolaras e scolars da far il progimnasi», disch Flurin Wieser, il president cumünal da Zuoz. «La decisiun dal parlamaint chantunal significha però gronds cuosts supplementars per noss cumüns», cuntinuescha il president cumünal da Samedan Jon Fadri Huder. A Samedan as faja quint cun 300 000 francs l’on implü ed a Zuoz cun 200 000 francs. Ch’ultra da quai gnian pro eir amo ils cuosts supplementars causa la nouva ledscha da scoula, a Samedan 330 000 francs ed a Zuoz 100 000 francs l’on, constatan els, «i sarà da verer scha noss cumüns as pon insomma prestar tals gronds cuosts supplementars, in quists temps cha las entradas cumünalas as redüan, p. ex. causa la crisa turistica o la ledscha federala davart las seguondas abitaziuns.»
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.