×

Center Marcau sin buna via

(anr/gv) 60 milliuns francs vul Rhomberg Bau da S. Gagl investar a Glion. Dapi il 2008 ha l’interpresa generala l’intenziun da realisar sil Prau dalla Posta agl ur dalla Via dil Glogn in baghetg cun stizuns e habitaziuns.

Südostschweiz
23.12.13 - 01:00 Uhr

Novas stizuns e habitaziuns el baghetg sil Prau dalla Posta

Tochen dacheu han recuors encunter la planisaziun locala impediu la realisaziun. Sin fundament dils davos recuors ha il marcau spartiu tier la planisaziun igl Areal Maissen dil Prau dalla Posta. Quei duei possibilitar la realisaziun dalla surbaghegiada, ei il president dil marcau perschuadius. A caschun dalla davosa radunonza communala ha Rino Caduff menziunau sia speronza da finalmein puder realisar il baghetg. En quei baghetg vulan en scadin cass la Migros e Menzli Sport secasar. Omisduas fatschentas actualmein situadas el Center Mundaun han gia dapi onns il giavisch da midar en in baghetg pli attractiv. Gia il 2007 haveva la Migros constatau che la stizun el Center Mundaun corrispundi buca pli als basegns actuals.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR