Center da sanadad per la Surselva
Sigl areal dall’anteriura scola da tgira e dils curtgins vischinonts vul la societad Nocasa realisar in center da sanadad cun residenza da seniors. Sco quei ch’igl interprendider Norbert Candinas ha informau stiarsas sera a Glion eis el promts d’investar 30 milliuns per quei project.
Sigl areal dall’anteriura scola da tgira e dils curtgins vischinonts vul la societad Nocasa realisar in center da sanadad cun residenza da seniors. Sco quei ch’igl interprendider Norbert Candinas ha informau stiarsas sera a Glion eis el promts d’investar 30 milliuns per quei project.
Project per in center da sanadad cumbinaus cun residenza per seniors frunta sin grond interess
da Martin Cabalzar
Actualmein ei il project denton bloccaus pervia d’in recuors pendent dalla protecziun dalla patria tier la dertgira administrativa dil Grischun. Sper las 52 pintgas habitaziuns duei la nova residenza da seniors era cumpigliar ina pratica cumineivla da miedis da casa e localitads da tgira e terapia. Plinavon vul ins nezegiar las sinergias che seporschan cul spital regiunal che sesanfla ella proxima vischinonza sco restauraziun, lavandaria, labor, survetsch tecnic, survetschs medicinals e da tgira sco era la disponibladad dil persunal duront 24 uras. Al discuors da podi organisaus dalla Uniun da commerci e mistregn da Glion e contuorn ein ton cusseglier guvernativ Christian Rathgeb, il directur dil spital Urs Kellenberger, il president communal da Ilanz/Glion ed il representant dils miedis da casa Alois Poltera s’exprimi a moda positiva enviers quei project. Tenor Norbert Candinas detti quei nova curascha da cuntinuar e cumbatter per la realisaziun dil project.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.