×

Cassa da malsauns unica: Tge decida il pievel?

(anr/vi) Oz tracta il cussegl naziunal l’iniziativa davart ina cassa da malsauns unica. Probabel propona el – sco gia la chombra pitschna – da refusar l’iniziativa.

Südostschweiz
05.03.14 - 01:00 Uhr

Ma co giuditgescha il pievel la dumonda? Ins quinta ch’il project vegnia anc quest onn a l’urna. «L’iniziativa ha bunas schanzas», di Mathis Trepp, medi e deputà da Cuira. El s’engascha en il comité d’iniziativa ed è persvadì: «La glieud ha avunda da las reclamas agressivas.» Las cassas privatas propagheschian ina fiera libra. Ma ina tala na saja gnanca pussaivla, damai che tuttas cassas stoppian gea porscher il medem provediment da basa. Ins insceneschia mo ina pseudo-concurrenza. Ina cassa da malsauns stoppia esser in’assicuranza da solidaritad nua ch’ils sauns sustegnan ils malsauns, di Trepp. Ils iniziants pretendan perquai ina cassa unica che vegn dirigida d’in gremi paritetic. En quel sesan ils assicurads sco era represchentants dal maun public e da la cassa sco tala.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR