Buca tuts vulan campar da plievgia
Ils dis da bialaura da questa stad ein gleiti dumbrai. Per tgi che porscha ni vul far vacanzas, daventa la situaziun plaunsiu frustronta. «L’jamna vargada e quest’jamna havein nus rodund ina tiarza dameins hosps che normalmein da quei temps», di la menadra dalla plazza da campar dil TCS a Mustér/Fontanivas, Renata Gadola.
Ils dis da bialaura da questa stad ein gleiti dumbrai. Per tgi che porscha ni vul far vacanzas, daventa la situaziun plaunsiu frustronta. «L’jamna vargada e quest’jamna havein nus rodund ina tiarza dameins hosps che normalmein da quei temps», di la menadra dalla plazza da campar dil TCS a Mustér/Fontanivas, Renata Gadola.
Il campadi da Fontanivas a Mustér pitescha dalla schliat’aura
Da Hans Huonder / anr
Ch’ella ei tonaton aunc pli u meins cuntenza cun il diember da pernottaziuns d’entochen ussa, ei d’engraziar alla buna primavera: «Ils firaus d’Anceinza e Tschuncheismas ein stai tard. En quei temps ei l’aura stada fetg buna, aschia che nus havein generau lu pernottaziuns sco aunc mai.» Summa summarum sedat entochen ussa in diember da pernottaziuns egual a quel digl onn vargau. Ussa entscheiva la substanzia recaltgada la primavera denton a pitir. Quest’jamna quenta Renata Gadola cun in minus da rodund 1000 pernottaziuns en cumparegliaziun cun igl onn passau e duess l’aura buca esser onz megliera l’jamna vegnenta, sedat in ulteriur minus. Il campadi a Fontanivas pitescha il mument oravontut dalla munconza dils hosps cun tendas. «Ferton che quels en rulottas acceptan tonaton entgins dis da malaura, ein quels cun tenda exponi pli fetg all’aura. Savens ei quei lu era famiglias», constatescha Renata Gadola. Per surmuntar il temps da malaura ha il campadi arranschau in’occupaziun speciala per ses hosps.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.