×

Avon 30 onns lavinas ella Cadi

Ils 9 da fevrer 1984 ein la Surselva, l’Engiadina Bassa e la cuntrada da Tavau vegnidas surpridas da grondas lavinas. La pli gigantica ei bein quella dalla Val S.

Südostschweiz
07.02.14 - 01:00 Uhr

Las nevadas dil fevrer 1984 han caschunau donns considerabels ell?entira regiun dallas Alps

da Martin Cabalzar

Ils 9 da fevrer 1984 ein la Surselva, l?Engiadina Bassa e la cuntrada da Tavau vegnidas surpridas da grondas lavinas. La pli gigantica ei bein quella dalla Val S. Placi all?entrada dil vitg da Must?r stada. Ella ha giu destruiu aschibein la punt dil stradun cantunal sco era quella dalla Viafier retica. Aschia ein tuttas colligiaziuns cullas vischnauncas da Sursassiala stadas interruttas duront quater dis.

Las lavinas idas a val 1984 han giu ina dimensiun extraordinaria. En tut las vischnauncas dalla Cadi ha ei dau gronds donns. Numerusas vias ein stadas bloccadas e bia uaul, per part era uaul da schurmetg, ei staus destruius. Denter auter ei era la caplutta da S. Benedetg (Sumvitg), in sanctuari da 700 onns, vegnida destruida. La bilanza dalla destrucziun ei gravionta: 20 casas ni baghetgs a Must?r, 19 baghetgs sils cuolms da Schlans e mintgamai 12 a Breil, (Platta Liunga) e Sumvitg (Val Murt?s) sco era in entir tschuppel en Tujetsch (Val Mil?) e Medel. Tenor l?assicuranza da baghetgs ha ei dau donns da varga 10 milliuns.

Las lavinas han denton era pretendiu in?unfrenda mortala, quella dil cau da lavinas da Must?r Felici Gadola. Per cletg havevan ils responsabels priu ad uras la mesiras da protecziun, cass cuntrari fussen las unfrendas probabel stadas aunc pli grondas.

Da quei temps era Dumeni Columberg president communal da Must?r e responsabels per las acziuns da salvament e per la reconstrucziun. El seregorda aunc bein da quels eveniments da sgarschur ed anguoscha. En La Quotidiana dad oz intermediescha el entginas regurdientschas persunalas da quels eveniments.

Kommentieren
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Mehr zu MEHR