Avertura da la campagna electorala 2014
(mc) Questa saira ha lieu a las 18.00 en l’auditori da la Banca chantunala a Cuira in podium d’elecziun organisà cuminaivlamain da RadioTelevisiun Rumantscha e dal concern da medias Südostschweiz.
(mc) Questa saira ha lieu a las 18.00 en l’auditori da la Banca chantunala a Cuira in podium d’elecziun organisà cuminaivlamain da RadioTelevisiun Rumantscha e dal concern da medias Südostschweiz.
Tge partida acquista ils blers mandats en las elecziuns dal cussegl grond? Pon ils liberals mategnair lur dominanza? Tgi vegn successur da Hansjörg Trachsel? Reusseschi a Jon Domenic Parolini da salvar il segund mandat dals burgais-democrats u è il candidat da la Partida populara Heinz Brand en avantatg. Tgi fa las bleras vuschs dals candidats en uffizi? Tge rolla gioga il verd-liberal Jürg Kappeler? Emprimas respostas sin questas dumondas datti questa saira al podi organisà cuminaivlamain da RTR, SO-Medias e Schurnal regiunal SF a Cuira. Sin il podi discutan ils 4 cussegliers guvernativs en uffizi, ils presidents da partida e da fracziun sco er ils novs candidats. Bler da discutar dattan probabel er ils resultats d’ina emprema retschertga represchentativa Demoscop che vegnan preschentads per l’emprima giada a la publicitad. Il podi vegn er emess sin internet da www.suedostschweiz.ch
La Quotidiana vegn ad infurmar davart las elecziuns guvernamentalas e cirquitalas tenor in agen concept redacziunal.
Wir bitten um euer Verständnis, dass der Zugang zu den Kommentaren unseren Abonnenten vorbehalten ist. Registriere dich und erhalte Zugriff auf mehr Artikel oder erhalte unlimitierter Zugang zu allen Inhalten, indem du dich für eines unserer digitalen Abos entscheidest.
Bereits Abonnent? Dann schnell einloggen.