«Artgas» – punt da la Val Mulinaun

In dicurs cun l’architecta Aita Flury oriunda da Domat

Sco docenta ha ella instruì inschigners da construcziun en teoria d'architectura e design.

Da preschent sa fatschenta ella cun il chasament dad indesch abitaziuns che vegn eregì sin la parcella sper sia chasa paterna a Domat. Era sche l'architecta sto far intginas concessiuns a l'urden da bajegiar ed al budget, po ella tuttina realisar ina buna part da ses principis. L'ANR è stada sin il plazzal e Flury ha explitgà tge ponderaziuns ch'ella ha fatg per integrar bain sia chasa - che sa numna «La contenta» – en il maletg dal vitg. L'architecta è da l'idea ch'i saja oz necessari da bajegiar cumpact. «Sch'ins planisescha prudent, èsi meglier da viver en structuras cumpactas che sche mintgin fa ina saiv enturn ses 300 meters quadrat.»