Il secret cotschen sin mes conto da banca

Email Print

Um Ihre Merkliste dauerhaft zu speichern, müssen Sie sich einloggen.

Benutzername:*

Passwort:*

Angemeldet bleiben

Login

• Registrieren
• Passwort zurücksetzen
• Über die Merkliste

Informationen

• Autor: Claudia Cadruvi
• Blog: Convivenza
• Datum: 20.04.2012, 18:45 UHR

TAGS

• Bankkonto
• Geheimnis
• Transparenz

Sco schurnalista hai jau il privilegi d’astgar tschentar dumondas ed auters ston dar resposta. Avant quatter onns èsi capità ch’in politicher prominent ha vieut il moni. Igl era durant ina intervista davart il secret bancar. El m’ha dumandà: «Lessas Vus che mintgin po vesair, tge che Vus avais sin banca?» Igl era ina dumonda retorica – tschentada en tun datschert cun fervur e franchezza.

Sche jau avess stuì respunder, avess jau mettain ditg ord in tschert reflex: «Na, quai na less jau sa chapescha betg.» Mes conto da banca è numnadamain ina vaira vargugna. Adina duas emnas suenter che la paja è arrivada, è il conto gia sblundregià ed i cumenza la fasa cotschna. Plinavant basti, sche mes um ha access a mes conto e vul savair: «Pertge has cumprà quests chalzers per 189 francs, sche tes conto era gia en il minus? E tge diavel has ti puspè cumprà per 373 francs en questa boutique a Turitg?» Talas dumondas pon esser malempernaivlas.

Ma dapi l’intervista cun quest politicher hai jau savens giugà cun il patratg: Co fissi, sch’il secret bancar crudass? Betg mo uschia che tschertas autoritads dastgassan prender invista da las datas da banca. Na, mintgin dastgass ir a dumandar scleriment davart ils daners ch’il vischin u la vischina ha sin banca. Ils emprims dis fiss quai coga interessant. Ins vesess che er auters han da schuffa cun cifras cotschnas. Che tschertins han schizunt il tgil plain daivets. Ch’ils pli paucs vegnan da tegnair a mastrin il budget e pon metter a la fin dal mais da la vart intgins fränclis.

Cun il temp daventassi dentant lungurus da spiunar ora contos dad auters. Igl è nunspectacular da savair che signur Caluori dat ora pli gugent ses raps per l’auto, signura Caderas per mobiglias e famiglia Camenisch per vacanzas. Suenter curt temp na s’interessass gnanca olma da carstgaun pli per las finanzas dal vischin – in pau sco en Ollanda, nua ch’ins vesa en la stiva da mintga chasa. Là na metta nagin si sumbrivals ed uschia na vegn era nagin sin l’idea da guardar, tgi che ha in canapé cotschen u verd.

Problems pervia d’ina transparenza bancara totala avessan sulet singuls signurs blaus che stuessan sa laschar plaschair dumondas sco: Nua èn tuttenina tut quests bels gudogns da Vossa fatschenta? Co èsi pussaivel che Vus possedais ina villa e duas limusinas e pajais strusch taglia? Deponis Vus Voss daners atgnamain en ina fundaziun a Liechtenstein? U giais Vus mintgatant en vacanzas a Jersey, Bahrain u sin las Bermudas?

La proxima giada ch’in politicher ma vegn en in’intervista pertutgant il secret bancar puspè cun la dumonda retorica, al vegn jau a tradir il secret cotschen sin mes conto da banca. E sche jau hai il curaschi, al vegn jau schizunt a dir ch’i m’è liongia ed uschè lung sco lad, sche mintgin sa «quants» daners che jau hai sin banca.

Claudia Cadruvi è redactura tar l’Agentura da Novitads Rumantscha (ANR) e mamma da trais uffants. Ella è creschida si a Cuira e viva oz ad Uznach en il chantun da Son Gagl.

Das kleine rote Geheimnis auf meinem Bankkonto

Als Journalistin hat man das Privileg, Fragen stellen zu dürfen, und andere haben zu antworten. Vor vier Jahren hat ein prominenter Politiker einmal den Spiess umgedreht. Im Interview ging es um das Bankgeheimnis. Er fragte mich: «Möchten Sie denn, dass jeder sieht, was Sie auf der Bank haben?» Es war eine rein rhetorische Frage – gestellt im Brustton der Überzeugung.

Wenn ich hätte antworten müssen, hätte ich vermutlich aus einem Reflex heraus gesagt: «Nein. Das will ich natürlich nicht.» Mein Bankkonto ist nämlich eine wahre Schande. Jeweils zwei Wochen, nachdem der Lohn verbucht ist, ist das Konto bereits geplündert, und es beginnt die rote Durststrecke. Ausserdem reicht es, dass mein Mann Zugang zu meinem Konto hat und wissen will: «Warum hast du diese Schuhe für 189 Franken gekauft, wenn dein Konto schon im Minus war? Und was zum Teufel hast du wieder in dieser Boutique in Zürich für 373 Franken gekauft?» Solche Fragen können unangenehm sein.

Aber seit dem Interview mit diesem Politiker vor vier Jahren habe ich mir schon oft ausgemalt, wie es wäre, wenn das Bankgeheimnis fallen würde. Und zwar so, dass nicht nur gewisse Behörden Zugriff auf Bankdaten hätten. Nein, jeder dürfte zur Bank gehen und Auskunft über die finanzielle Lage seines Nachbarn verlangen. Zunächst wäre das ausserordentlich interessant. Man sähe, dass auch andere mit roten Zahlen kämpfen. Dass einige Leute hoch verschuldet sind. Dass die wenigsten ihr Budget einwandfrei im Griff haben und am Ende des Monats etwas zur Seite legen können.

Mit der Zeit würde es jedoch langweilig, Konten anderer auszuspionieren. Es wäre schlicht und einfach unspektakulär zu wissen, dass Herr Caluori sein Geld lieber fürs Auto ausgibt, Frau Caderas für Möbel und Familie Camenisch für die Ferien. Nach kürzester Zeit würde sich kaum jemand mehr nach den Finanzen des Nachbarn erkundigen – ähnlich wie in Holland, wo man in jedermanns Stube sehen kann. Denn dort hängt niemand Vorhänge ins Fenster, und so kommt auch niemand auf die Idee, zu schauen, wer ein rotes oder ein grünes Sofa besitzt.

Probleme wegen der totalen Banktransparenz hätten vermutlich nur einige distinguierte Damen und Herren, die sich Fragen gefallen lassen müssten wie: Wo sind denn plötzlich all die schönen Gewinne Ihrer Firma? Wie ist es nur möglich, dass Sie eine tolle Villa und zwei Limousinen besitzen, aber kaum Steuern bezahlen? Deponieren Sie Ihr Geld eigentlich bei einer Stiftung in Liechtenstein? Oder machen Sie häufig Ferien in Jersey, Bahrain oder auf den Bermudas?

Das nächste Mal, wenn mir ein Politiker in einem Interview über das Bankgeheimnis mit der rhetorischen Frage kommt, werde ich ihm mein kleines rotes Geheimnis über mein Bankkonto verraten. Und wenn ich ganz mutig bin, sage ich sogar noch, dass es mir so lang wie breit ist, wer darüber Bescheid weiss, wie «viel» Geld ich auf der Bank habe.

Claudia Cadruvi ist Redaktorin bei der romanischen Nachrichtenagentur ANR und Mutter von drei Kindern. Sie ist in Chur aufgewachsen und lebt heute in der Gemeinde Uznach im Kanton St. Gallen.