21 dis abstinenza electronica totala

Email Print

Um Ihre Merkliste dauerhaft zu speichern, müssen Sie sich einloggen.

Benutzername:*

Passwort:*

Angemeldet bleiben

Login

• Registrieren
• Passwort zurücksetzen
• Über die Merkliste

Informationen

• Autor: Fadrina Hofmann Estrada
• Blog: Convivenza
• Datum: 11.06.2012, 00:00 UHR

TAGS

• Abstinenz
• Ferien
• Handy

Trais emnas senza telefonin e computer. Trais emnas nagins sms, nagins e-mails, nagins radis electromagnetics. Na, qua na sa tracti betg dʼin experiment per la scienza. Qua sa tracti da mias vacanzas. Jau hai simplamain decidì da laschar a chasa il laptop e lʼiPhone e da svanir en regiuns pli chaudas. Quai è stà ina decisiun stupenta. Trais emnas hai jau gì paus. Fadrina nʼè simplamain betg stada cuntanschibla, e quai 21 dis. Bellezza!

Tge? Ti vas en vacanzas senza telefonin? E schʼi capita insatge? E co ans chattain nus a lʼeroport, cura che ti turnas puspè a chasa? Anc avant 15 onns nʼavess nagin fatg talas dumondas. Avant 15 onns laschavʼins enavos lʼadressa ed il numer da telefon da lʼhotel u da la famiglia ospitanta – mo per cas urgents. Avant 15 onns spetgavʼins en la halla dʼarriv fin chʼils confamigliars u ils amis vegnivan or da la porta dal dazi. Sche lʼaviun aveva retard, spetgavʼins oramai in zic pli ditg. Nagin na sa sentiva malsegir dad esser en in lieu, nua chʼins nʼè betg cuntanschibel. Nagin nʼaveva il basegn da laschar a chasa il telefonin per avair paus almain trais emnas lʼonn.

Jau sun schurnalista, stuess damai adina esser al current. En mia vita professiunala èn computer e telefonin indispensabels. Jau stuess er adina esser cuntanschibla per cas chʼigl avess da capitar insatge interessant u schizunt insatge spectacular. Jau sun mamma e less er esser cuntanschibla, sche mes uffants dovran mai. Jau hai amias che vivan en la Bassa. Nus mantegnain il contact bunamain mo via ils meds electronics. Pia sun jau, en mia vita quotidiana, dependenta dals meds electronics. Cumplettamain dependenta! Perquai è la decisiun da laschar a chasa mes telefonin propi stà in act curaschus. Jau sun ma deliberada da mes center da communicaziun ed jau stoss confessar che quella sperdita da controlla permanenta è stada las emprimas uras ina situaziun tut estra.

Schʼin telefonin sunava, na stueva jau betg tschertgar hecticamain mes apparat per vesair sche quai fiss forsa tuttina mes. La damaun ma svegliava jau e mes emprim act nʼera betg da metter en funcziun il telefonin. La saira gieva jau a letg senza guardar anc inʼultima giada en mia chascha dad e-mails. Trais emnas nʼhai jau betg stuì leger tweets senza senn, nʼhai jau betg stuì guardar sin lʼiPhone tge aura che ma spetga durant il di. Curt e bain: Tuttenina aveva jau bler dapli temp per far las raubas chʼèn propi impurtantas. Per exempel baiver en tutta calma in bun cafè e tadlar ils siemis da mes figl, seser sin il palantschieu e far vaschias da savun, leger in bel cudesch, sautar cun mia figlia tar ritmus cubans, emprender da far in endretg Mojito u laschar sgular in dragun da palpiri a la riva da la mar.

Cun turnar da las vacanzas avain nus alura davaira gì retard, ma quai era gea annunzià sin il visur a lʼeroport. Mia mamma ans ha chattà senza problems. Il telefonin nʼavess pia gnanc fatg da basegn. Però insatge stoss jau ussa tuttina confessar: Arrivada a chasa hai jau il pli emprim mess en funcziun mes telefonin. E sco segund hai jau legì mes e-mails. Manchentà nʼhai jau dal rest nagut en mias trais emnas dʼabstinenza electronica totala.

Fadrina Hofmann è redactura regiunala tar Die Südostschweiz e viva cun sia famiglia a Scuol.

21 Tage totale elektronische Abstinenz

Drei Wochen ohne Handy und Computer. Drei Wochen keine SMS, keine E-Mails, keine elektromagnetischen Strahlen. Nein, es handelt sich hierbei nicht um ein wissenschaftliches Experiment, sondern um meine Ferien. Ich habe mich schlicht und einfach entschieden, das Laptop und das iPhone zu Hause zu lassen und in wärmere Breitengrade abzutauchen. Das war eine grossartige Entscheidung. Drei Wochen habe ich Ruhe gehabt. Fadrina war einfach nicht erreichbar, und das 21 Tage lang. Wunderschön!

Was? Du verreist ohne Handy? Und wenn etwas passiert? Und wie finden wir uns am Flughafen, wenn du wieder zurückkommst? Noch vor 15 Jahren hätte niemand solche Fragen gestellt. Vor 15 Jahren hinterliess man die Adresse und die Telefonnummer des Hotels oder der Gastfamilie – natürlich nur für Notfälle. Vor 15 Jahren wartete man in der Ankunftshalle, bis die Familienmitglieder oder die Freunde aus der Zolltür heraustraten. Falls das Flugzeug Verspätung hatte, wartete man ein bisschen länger. Niemand fühlte sich unsicher, weil man an einem Ort unerreichbar war. Niemand hatte das Bedürfnis, das Handy zu Hause zu lassen, um mindestens drei Wochen im Jahr Ruhe zu haben.

Ich bin Journalistin und müsste somit immer auf dem Laufenden sein. In meinem beruflichen Leben sind Computer und Handy unabdingbar. Ich muss immer erreichbar sein für den Fall, dass etwas Interessantes oder sogar Spektakuläres passiert. Ich bin Mutter und will für meine Kinder natürlich immer erreichbar sein. Mit Freundinnen, die im Unterland wohnen, pflege ich den Kontakt fast ausschliesslich via elektronische Medien. In meinem täglichen Leben bin ich also von den elektronischen Medien abhängig. Völlig abhängig! Darum war die Entscheidung, mein Handy zu Hause zu lassen, wirklich mutig. Ich befreite mich von meinem Kommunikationszentrum, und ich muss zugeben, dass der Verlust der permanenten Kontrolle in den ersten Stunden ein völlig fremdes Gefühl für mich war.

Wenn ein Handy klingelte, musste ich nicht hektisch nach meinem suchen, um nachzuschauen, ob es vielleicht doch meins sei. Am Morgen nach dem Aufstehen musste ich nicht als Erstes mein Handy einschalten. Abends ging ich zu Bett, ohne einen letzten Blick in mein E-Mail-Postfach zu werfen. Drei Wochen lang musste ich keine sinnlosen Tweets lesen und mich auch nicht via iPhone über die Wetterprognose informieren. Kurz und bündig: Plötzlich hatte ich viel mehr Zeit für das Wesentliche. Zum Beispiel in Ruhe einen Kaffee trinken und die Träume meines Sohnes anhören, auf dem Boden sitzen und Seifenblasen machen, ein schönes Buch lesen, mit meiner Tochter zu kubanischen Rhythmen tanzen, lernen, wie man einen richtigen Mojito macht oder einen Papierdrachen am Strand steigen lassen.

Als wir aus den Ferien zurückkamen, hatte unser Flugzeug tatsächlich Verspätung, was ja aber an den öffentlichen Anzeigetafeln am Flughafen angekündigt wurde. Meine Mutter fand uns ohne Weiteres. Das Handy wäre also nicht einmal nötig gewesen. Etwas muss ich jedoch trotzdem gestehen: Zu Hause angekommen, schaltete ich als Erstes mein Handy ein und als Zweites las ich meine E-Mails. Verpasst habe ich während dieser drei Wochen totaler elektronischer Abstinenz übrigens nichts.

Fadrina Hofmann ist Regionalredaktorin bei der «Südostschweiz» und lebt mit ihrer Familie in Scuol.